التحاليل المختلفة الخاصة بالأنيميا والحديد / Hb و ferritin و iron و Transferrin .

 بسم الله الرحمن الرحيم

التحاليل المختلفة الخاصة بالأنيميا والحديد / Hb و ferritin و iron و Transferrin .

هنتكلم فى الموضوع ده عن مجموعة من التحاليل المهمة جدا لمعرفة وتشخيص الانواع المختلفة من الانيميا ‘ والفرق ما بين الانواع دى .

 Hb و ferritin و iron و Transferrin

( الهيموجلبين ، ومخزون الحديد ، والحديد الحر، والترانسفيرين)

أولا:- الهيموجلوبين ( HB) .

وهو متكون من مقطعين heme و globin يعنى مجموعه هيم (حديد) وجلوبين وده 
( بروتين ) بيتكون من أربع مجموعات هيم وكل مجموعه هيم تحتوى علي ذره حديد يعنى كل جزئ هيموجلوبين بيحتوى علي أربع ذرات من الحديد.

و يوجد ال HB داخل كرات الدم الحمراء.

و هو مسئول عن نقل الاكسجين للرئتين حيث يرتبط كل عنصر حديد مكونه للهيموجلبين بروابط ضعيفه مع الاكسجين ، حيث يكون لونه أحمر فاتح ويسمى أوكسي هيموجلبين ، والعمليه دى بتتأثر بمؤشر الحموضه وبتركيز co2.

في الرئه بتتكسر الروابط مع الاكسجين وتتكون روابط تانيه بين الهيموجلوبين وco2 وبيكون لونه أحمر مزرق وإسمه ديوكسي هيموجلوبين.

 يتكون HB فى نخاع العظام وبيتفرز جوه الدم داخل كرات الدم الحمراء وبتكون 

 دورة حياتها (١٠٠-١٢٠يوم ) ‘وبعد كده بتموت وبيتكسر الهيموجلوبين ويطلع الحديد فالدم ، هنا بقى ييجى دور بروتين الترانسفيرين وده اللى بينقل الحديد من الدم إلى نخاع العظم عشان يكون هيموجلوبين جديد.

والباقي من الحديد بيدخل في تركيب ماده تانيه إسمها بليروبين (صفرا) ودى المسئوله عن اللون البنى المصفر بتاع البراز.

النسبه الطبيعيه للهموجلبين ف الدم .

في الرجال:  14.0 - 18.0 جرام / ديسيلتر

في السيدات: 12.0 - 16.0 جرام / ديسيلتر

وفي الاطفال : ١١- ١٦ جرام / ديسيلتر

لما بيحصل نقص في نسبه الهيموجلوبين غالبا بتبقي بسبب نقص الحديد ف الاكل ، 

أو الجسم مش قادر يمتص عنصر الحديد.

أو ممكن يكون نسبه الحديد طبيعيه ونسبه الهيموجلبين هى اللى قليله ، وده بيكون نتيجه طفرات بتحصل في تكوين الهيموجلوبين نفسه . 

بيتكون الهيموجلوبين من سلاسل الفا وبيتا.

فى أوقات بيحصل خلل فى إنتاج سلاسل بيتا ، وتنتج الفا كميتها بنسبه طبيعيه ‘وبالتالى تكون الفا أكبر من سلاسل بيتا وده بيسبب مرض اسمه Beta Thalassemia

 ( أنيميا البحر المتوسط ).

أو بعض الطفرات الاخرى مسببه الانيمبا المنجليه ، وكلها وراثيه تحمل علي جينات فتتوارث من الاباء للابناء.

 في السيدات الحوامل لا يتم إنتاج سلاسل بيتا ، يتم العوض عنها بسلاسل جاما ودى مخصوصه في طور الجنين ، وتوجد حتى قبل ميعاد الولاده .

ثانيا:- تحليل الحديد ( iron) .

يفضل عمل تحليل الحديد في الصباح.

التحليل ده بيقيس نسبه الحديد فى الدم وليس فى الجسم.

 النسبه الطبيعيه للحديد في الجسم. 

في الرجال: ٥٠ -١٧٠ ميكروجرام / ديسيليتر

في السيدات: ٦٥-١٧٦ ميكروجرام / ديسيلتر

يعتبر الحديد عامل أساسى لتكوين ال HB الهيموجلوبين ، حيث يعتبر الهيموجلوبين الناقل الرئيسي للاكسجين من الرئتين للخلايا ، يتقابل الاكسجين المحمول علي الهيموجلوبين مع سكر الدم والتى تعتبر مصنع حرق لتوليد الطاقه .

نقص الحديد يؤدى الى أنيميا نقص الحديد وأسمها 

(microcytic hypochromic anemia) ، ولكن هناك نوع أنيميا أخر بيكون فيه الحديد نسبته طبيعيه وفي هذه الحاله لا يجدى وصف الحديد ، زى الامراض الوراثيه 

(الثلاسيميا (انيميا البحر المتوسط ) الانيميا المنجليه )

أرتفاع نسبه الحديد مؤشر علي .

التهاب الكبد.

تسمم الحديد.

نقص قيتامين B .

إنخفاض الحديد مؤشرعلي .

الحمل.

الدوره الشهريه.

 أعراض نقص الحديد .

ضعف.

تعب.

شحوب.

ضيق التنفس.

دوخه.

صداع.

بروده فى الاطراف اليدين والساقين.

هشاشه الاظافر.

وخز في الساقين.

تورم اللسان .

عدم انتظام ضربات القلب.

الحديد مش هو الهيموجلوبين ، ولكن الهيموجلوبين بيعتمد علي الحديد وتواجد الحديد لا يعوض نقص الهيموجلوبين، الحديد بيدخل في تكوين HB. 

 الحديد في بلازما الدم بيرتبط ببروتين اسمه ترانسفيرين (transferrin) بنسبه ١:٢ ، يعنى كل جزئ بروتين يحمل أتنين حديد ، لنقلهم للمكان المخصص ليهم لاداء وظيفتهم

الحديد بيتكون من .

٦٠٪  HB لنقل الاكسجين.

٣٠٪ مع الفيرتين كمخزون.

ونسبه قليله مع ( myoglobin) بيروحوا لعضلات الجسم.

الفرق بين الحديد المرتبط والحر .

الحديد المرتبط:- بيرتبط ببروتين سواء الفيرتين كمخزون ف الجسم أو بروتين ترانسفيرين لنقله لاماكن أحتياج الجسم زى نخاع العظم لانتاج Rbcs.

الحديد الحر:- أخطر أنواع الحديد لانه بيساعد علي نمو السرطانات والبكتريا الضاره.

ثالثا:- مخزون الحديد (ferritin) .

الحديد بيرتبط ببروتين أسمه فيرتين موجود ف خلايا الجسم .

 بيرتبط بيه ويعتبر كمخزن للحديد ف الجسم ( ونحط تحت الجسم دى كذا خط )

يعنى قياس الفيرتين ، بيقيسلى مخزون الحديد في الجسم وليس الدم.

طيب ليه بيحتاج الجسم أنه يخزن الحديد؟

 لتغطيه احتياجات الجسم المستقبليه زى :

 انتاج كرات الدم الحمراء ( لانها بتموت بعد ١٠٠- ١٢٠ يوم ).

 تعويض الدم بعد فقدانه ( النزيف).

يحمى الجسم من الحديد الحر ( الغير مرتبط باى بروتين).

 وده ضار ليه؟

لان الحديد الحر بيعتبر غذاء للجراثيم والبكتريا الضاره والخلايا السرطانيه ويساعد علي نموها.

ليه بنحتاج نعرف نسبه الفيرتين ؟

لان معرفة نسبة الفيرتين  بتستخدم للمساعدة فى تشخيص :

 أنيميا ( نقص الحديد).

 فقر الدم ( بسبب نقص الحديد).

وفقر الدم معناه نقص في كرات الدم الحمراء وبما أن الحديد بيدخل في تكوين كرات الدم الحمراء ، فاما يقل تقل الكرات الحمراء وبالتالى يؤدى الى فقر الدم .

 تشخيص لمرض ترسب الاصبغه الدمويه وده بيكون نتيجه فائض في مخزون الحديد .

الشخص الطبيعى بيفقد الحديد خلال اليوم عن طريق العرق أو البول وفي النساء عن طريق دم الحيض .

النسب الطبيعية لمخزون الحديد .

فى الرجال من ١٢- ٣٠٠ نانو جرام/ ملليتر.

في النساء من ١٢- ١٥٠ نانو جرام/ ملليتر.

طيب لما يعلى الفيرتين ده دليل علي ايه ؟

١. ليمفوما lymphoma.

٢.بعض الاورام السرطانيه.

٣. الالتهابات.

٤. نشاط الغده الدرقيه.

٥. امراض الكبد.

٦. النوبات القلبيه.

طيب لما يقل الفيرتين ده دليل علي ايه ؟

١. نزيف داخلى ( قرح الجهاز الهضمى).

٢. نزيف كثيف.

٣. مشاكل في إمتصاص الحديد فى الجهاز الهضمى.

٤. أمراض المناعه الذاتيه.

٥. دم فى البول.

٦. التبرع بالدم.

٧. الامراض الجلديه التقشيريه.

طيب هل في أعراض ممكن أحس بيها لما يقل أو ينقص الفيرتين عن المعدل

 الطبيعى ؟!

طبعا منها :-

 تعب وضعف عام.

صعوبه التنفس.

صداع.

دوخه.

شحوب الجلد.

أطراف بارده.

أظافر هشه.

نقص الشهيه.

التهاب اللسان وتهيجه.

الرغبه في تناول اشياء غريبه ( التلج ،التراب ).

أمراض تؤثر علي قياس نسبه الفيرتين .

مرض السكر.

أمراض الكبد.

أمراض القلب والاوعيه الدمويه.

السرطان.

ليس من الضروره أن إرتفاع نسبه الفيرتين دليل مرضي لذلك يجب عمل فحوصات أخرى لربطها بنتيجه الفيرتين .

رابعا:- تحليل Transferrin.

الترانسفيرين هو بروتين سكري (Glycoprotein) أي مادة مكونة من سكر وبروتين. يتم إنتاجه في الكبد ويتواجد في الدم.
 الترانسفرين قادر على ربط الحديد ونقله إلى أنسجة الجسم المختلفة‘ ومن هناك يستخدم كناقل للحديد. 

يتم إمتصاص الحديد من الغذاء أو يتم تلقيه نتيجة تفكك خلايا الدم الحمراء القديمة. 

يتم نقل معظم الحديد لنخاع العظام‘ حيث يتم استخدامه هناك كحجر بناء للهيموجلوبين (Hemoglobin) . 
جزء من الحديد يتحول لفريتين (Ferritin)  ويتم تخزينه في الكبد وفي الطحال وفي نخاع العظام‘ حوالي ثلث الترانسفيرين في الدم مرتبط بالحديد في هذا الفحص‘ يتم التحقق من تركيز الترانسفيرين (Transferrin) في المصل.

عادة يتم فحص مستوى الترانسفيرين (Transferrin) بهدف الإستفسار عن المسبب لفقر الدم. 
في فقر الدم (Anemia) الناجم عن مرض مزمن وصعب كالسل‘ السرطان أو أمراض أخرى‘ يكون مستوى الترانسفيرين منخفضاً.

أثناء الحمل.

قد يرتفع مستوى الترانسفيرين (Transferrin) في فترة الحمل بنسبة 40 % وقد ينخفض مستوى الارتباط بالحديد بنسبة 70 % تقريباً.

النسب الطبيعية لدى الرجال.

170- 370 ميكروغرام للديسليتر , 70-170 ميكروغرام للديسليتر مرتبطة بالحديد.

النسب الطبيعية لدى النساء.

170- 370 ميكروغرام للديسليتر , 70-170 ميكروغرام للديسليتر مرتبطة بالحديد.

النسب الطبيعية لدى الاطفال.

170- 370 ميكروغرام للديسليتر , 70-170 ميكروغرام للديسليتر مرتبطة بالحديد.

تحليل النتائج

مستوى منخفض.

• إضطراب بنشاط الكبد.
• فقدان بروتين عن طريق الكلى -  (Proteinuria).
• مرض مزمن خصوصا السرطان أو العدوى مثل مرض السل.

مستوى مرتفع.

نقص في الحديد.
الأنيميا.